टेनेसी मराठी मंडळ, नॅशव्हिल

नमस्कार मंडळी!!
टेनेसी मराठी मंडळ हे  नॅशव्हिल आणि आसपासच्या परिसरातील मराठी लोकांनी मराठी लोकांसाठी चालवलेलं मंडळ आहे. इतर अनेक  मराठी मंडळांप्रमाणे आपलं मंडळ  सुद्धा विना नफा (Non profit) आणि संपूर्ण स्वयंसेवी (All Volunteer) तत्वावर काम करतं. 

या मंडळाचा महत्त्वाचा हेतू म्हणजे भारतातील मराठी बोलणाऱ्या , मराठी संस्कृती जपणाऱ्या , महाराष्ट्रात मूळ असणाऱ्या आणि टेनेसीत स्थायिक झालेल्या लोकांना एकत्र आणणे हा आहे.

आपण या मंडळातर्फे अनेक कार्यक्रम आणि उपक्रम राबवतो. विशेषतः आपले महाराष्ट्रीयन सण –  मकर संक्रांत, गुढी पाडवा, गणेश चतुर्थी आणि दिवाळी हे उत्साहात साजरे केले जातात . या सर्व कार्यक्रमांचा उद्देश इतकाच की कला, गायन, नृत्य, नाटक अशा कलागुणांना वाव मिळण्यासाठी आणि मराठी भाषेचं जतन आणि संवर्धन करण्यासाठी मराठी लोकांना एक व्यासपीठ मिळावं आणि अमेरिकेत वाढणाऱ्या नवीन पिढीची नाळ आपल्या मराठी मातीशी जोडलेली रहावी.